Suid-Afrika Benodig ‘n Nuwe Hart
Daar is bemoedigende tekens dat die Here iets besonders doen in ons mooi land. Verskeie inisiatiewe dra die boodskap van God se hersskeppende en
bonatuurlike krag. Die ‘Nuwe Hart Inisiatief ’ spreek moraliteit, norme en waardes in ons samelewing aan. Misdaad, geweld, afhanklikheid, verbrokkeling
van verhoudings en korrupsie het een gemeenskaplike deler; die afwesigheid van moraliteit. Die onderwys, sakewêreld, media, politiek, soms selfs die Kerk, gaan gebuk onder ‘n gebrek aan itegriteit in optrede.
Eerlikheid, selfbeheersing, verantwoordelikheid en medemenslikheid sal moet terugkom in elke gemeenskap ter wille van ‘n veilige en stabiele toekoms.
Suid-Afrika het ‘n nuwe hart nodig. In Eseg. 36:26 beloof die Here: “Ek sal julle ‘n nuwe hart gee…”
Die ‘Nuwe Hart Inisiatief’ loots amptelik op 21 September vanjaar. Die projek word in elke gemeenskap en deur elke gemeenskap gedryf aan die hand van
aksieplanne en praktiese riglyne. Besighede affilieer met die ‘Nuwe Hart Stigting’ wat staan vir etiese waardes in die werk- en besigheidsplek.
Die insiatief vra tans vir persone wat bekend is met hul plaaslike gemeenskap, dorp, stad en omgewing en wat bereid sal wees om moraliteitsherstel daar te fasiliteer.
Dit sal hulle taak wees om ‘n subkomitee te vorm wat uit verteenwoordigers van van vyf samelewingsverbande (skole, kerke, plaaslike owerheid, besighed en die media) bestaan.
‘n Korant-handleiding bevat insette van verskeie prominente en gerespekteerde medewerkers oor verskeie aspekte van morele herstel.
Die riglyne is prakties en implimenteerbaar. Plakkate is ook beskikbaar wat by skole, kerke en besighede opgeplak kan word.
Die komitee dra die boodskap op gepasde wyse oor na die terreine wat hulle verteenwoordig.
Aspirante fasiliteerders kan ds. Jannie Pelser skakel by 083 601 9094 vir meer inligting of besoek die webwerf by http://www.getyournewheartday.com
Randfontein het ingeskakel en op 12 November 2008 al die leiers van ons dorp en die besigheidsmanne bymekaar gebring om ons visie in hulle harte te genereer.